Ukrayina prezidenti Volodımır Zelenskıy, Ukrayinanıñ ğayrıdan tiklenüvi konferentsiyası iştirakçilerini yardımnıñ muayen maliye mehanizmlerini belgilemege çağırdı. Bu aqta devlet yolbaşçısı oraq ayınıñ 10-nda Romadaki konferentsiyanıñ açılışında ayttı.
"Marşal planınıñ" Avropanıñ ğayrıdan tiklenmesinde oynağan rolü aqqında hatırlañız. Tamam o barışıq ve inkişafnı temin etti. Şimdi, yañı ilerilev dalğasını başlatmaq içün bir şansımız bar. Bizge "Marşall planı" tarzında yanaşma kerek ve biz onı beraberlikte azırlamalımız", — dedi Zelenskıy.
O, konferentsiya iştirakçilerinden Ğayrıdan tiklenüv koalitsiyasına qol tutmaqnı rica etti.
"Buzlatılğan Rusiye aktivleri Ukrayinanıñ faydasına ketmek kerek olğanı aqqında añlaşmaq kerekmiz", — dep qayd etti devlet yolbaşçısı ve bu aktivlerden faizlerni degil de, aktivlerni de qullanmaq kerek, dep qoştı.
Oraq ayınıñ 10-nda Romada Ukrayinanıñ ğayrıdan tiklenüvi boyunca dörtünci konferentsiya (URC2025) başlandı . Muzakerelerniñ esas mevzuları cenk vaqtında ve cenkten soñ memleketniñ makroiqtisadiy stabilligi, dayanıqlıq ve telükesizlik, infrastruktura, mesken, energetika, iklim qoruvı, medeniyet, sağlıq saqlav, gender meseleleri, tasil, etraftaki müit, ilim, tehnologiya ve innovatsiyalardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
