Qırımda 2025 senesiniñ başından bugünge qadar Rusiye quvetçileri 63 insannı qanunsız tuttı, olardan 13 qırımtatardır. Bu aqta Qırımtatar resurs merkeziniñ yolbaşçısı Eskender Bariyev işğal etilgen Qırımda insan aqlarınıñ 2025 senesiniñ birinci yarısında bozulması taliline bağışlanğan matbuat konferentsiyası vaqtında bildirdi.
Bundan ğayrı, 99 apiske alınuv qayd etildi, 48-i qırımtatarlarğa nisbeten. QRM-niñ kommunikasiyalar idarecisi Tatyana Savçuknıñ aytqanına köre, bu raqamlar arasında mahkeme ükümleri ve yañı apis cezaları, şu cümleden memuriy apis cezaları bar.
Bundan da ğayrı, QRM 2025 senesiniñ altı ayı devamında 23 tintüvni qayd etti, olardan 12 Rusiye quvetçileri tarafından qırımtatarlarnıñ evlerinde keçirildi. Keçken sene aynı müddet içinde 51 tintüv qayd etilgen edi.
Ukrayina prezidentiniñ Qırım Muhtar Cumhuriyetindeki temsilciligi, Qırımda oraq ayınıñ 7-ne qadar Rusiye ordusınıñ "diskreditatsiyası" aqqında memuriy maddege istinaden 1435 protokol tizilgenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
