Ukrayina prezidenti Volodımır Zelenskıy, Rusiyeniñ Ukrayinağa qarşı nevbetteki ücümlerine cevap berip, İtaliyada tizilgen añlaşmalarnı eñ yaqın vaqıtta yerine ketirmek pek müim olğanını bildirdi.
“Ukrayinada tınçlıq yoq. Rusiyeniñ dron, raketa, ava bombası ücümleri devam ete. Bu sebepten İtaliyada ortaqlarımıznen añlaşılğan er şeyni eñ yaqın vaqıtta amelge keçirmek pek müimdir. Ukrayina qorçalavğa muhtac. Ava mudafaası birinciden. Bütün ortaqlarımıznen bunıñ aqqında laf ettik, müsbet cevaplar bar, ve bu tehnologiyağa kerçek yatırım yapmağa başlamaları müim”, — dep yazdı o telegramda.
Bugün Rusiye ordusı Harkiv, Mıkolayiv, Sumı ve Odesa vilâyetlerine ücüm etti.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
